D’Mousse au Chocolat ass een Klassiker aus der fransiischer Këchen an een Synonym fir Eleganz.

Ursprünglich am 18ten Joerhonnert populär jiän, repräsentéiert dësen Dessert d’Konst van der feiner Pâtisserie. D’Zesaammenspill van donklem Schokola mat enger loftiger Textur maan d’Mousse zu engem Genossmoment, deen d’Härz an den Gomm verféiert. Egal op als Aafschloss van engem gouden Ässen oder einfasch nëmmen fir dir selwer jiät goudes ze doen ass d’Mousse au Chocolat ëmmer eng goud Wiäl.

Den Urspong van der Mousse au Chocolat

D’Mousse aus chocolat hat hiren Ursprong an der fransiischer Këchen an ass am 18ten Joerhonnert populär jiän. Zu der Zékt ass den Schokola an Europa ëmmer mi beléift jiän. De Begrëff „Mousse“ bedeit iwersatt „Schaum“ an beschreift die Loftig Konsistenz van dësem Dessert.

De Schokola, deen ursprünglich aus Mëttelamerika kënnt, ass am 16ten Joerhonnert durich d’Entdeckung van der „Neier Welt“ an Europa aankommen, zu der Zékt ass en äwer ischter als Gedrénks konsuméiert jiän, meestens mat Zocker oder Gewürzer verfeinert.

Am 17ten an 18ten Joerhonnert hat den Schokola sech ëmmer mi zu enger Zutat fir den Dessert entwéckelt. D’Mousse au chocolat ass van fransiischen Chocolatiérs an Pâtissiérs wegderentwéckelt an verfeinert jiän. Mat der Entdeckung vam opgeschloenen Eiwäiss an Schlagsahn ass su die loftig Konsitenz van der Mouss entwéckelt an perfektionéirt jiän. Ausserdeem spillt den Import van hiiwiärtigem Schokola, vriaan allem aus den Kolonien Südamerika an Afrika eng entscheedend Roll bei der Entwécklung van dësem Dessert.

D‘Mousse am 20ten Joerhonnert

Am 20ten Joerhonner ass d’Mousse au chocolat durich die fransiisch „Nouvelle Cuisine“ weltberühmt jiän. Sie ass zum Symbol jiän fir die elegant an raffinéiert Këchen van Frankreich. De Koosch August Escoffier hat dozou bäigedroen, d’Rezept ze perfektionéieren an et bei engem breeden Publikum bekannt ze maan.

Modern Varianten

Während die klassisch Mousse au chocolat op donklem Schokola baséiert, sen am Loof van der Zékt vill verschidden Varianten entstannen – ënner annerem mat Mëlichschokola oder mat wäissem Schokola, Alkohol, Nëss oder fruuchtig Aromen. Hokt ass sie an villen Länner een beléiften Dessert an jiët an vill verschidden Variatiounen zervéiert.

Symbolik an Bedeitung

D’Mousse au chocolat steht fir d’Fähigkeet van der fransiischer Këchen, einfasch Zutaten wie Eier, Schmand an Schokola an eent Konstwiärik ze verwandelen. Sie ass een Klassiker deen Joerhonnerten iwerdauert hat an sech fir all Fest oder o als einfaschen Genossmoment am Alldaag eegent.

Zutaten fir meng Mousse au chocolat

Donkle Schokola, idealerweis mat engem Kakaoaandeel van iwer 50%, watt deen Aandeel vam Kakao mi hii ass, watt den Goût mi intensiv jiët.
Eier, hei steht Frëschheet an ischter Stell, sie suarigen fir Volumen (Eiwäiss) an fir Crèmigkeet (Eijiäll)
Schmand, opgeschloen zur Schlagsahn brengt den Schmand zousätzlichen Volumen.
Zocker, brengt deen séissen Goût ouni den Goût vam Schokola ze dominéiren.
Bëssen Salz, oder Fleurs de Sel, jiët gehollt fir d’Eiwäiss opzeschloen an et verstiärikt den Goût vam Schokola.
Optional: Vanillextrakt oder eng Sprutz Rum fir een aromatischen Finish.

Zoubereedung

De Schokola brèchen ech an kleng Stécker an leen en an eng Inox Schossel. An enger Casserolle erhëtzen ech Waasser, äwer ouni datt et kooscht, do drop setzen ech den Schokola, passen äwer do drop op datt d’Schossel d’Waasser net beréiert. Su schmëlzen ech den Schokola.

D’Eier trennen ech, ënnert d’Eiwäiss mëschen ech paar Kären Fleurs de Sel an mat Hëlef vam Handmixer schloen ech d’Eiwäiss zu Schnii, datt setzen ech an den Frigo bis et brausch.

Ënnert d’Eijiäll mëschen ech den Zocker an mam Handmixer mëschen ech datt su lang bis et mi hell, bal wäiss jiët

De Schmand schloen ech mat Hëlef vam Handmixer zu Schlagsahn, pass hei äwer op datts du se net ze lang réiers, soss krëss du Botter

Deen geschmolzen Schokola mëschen mam Eijäll.

Dann hualen ech firtischt nëmmen een gouden Läffel vam Eiwäiss an hiäwen datt ënnert dÊijiäll-Schokolamëschung, wann datt bis angeschafft ass, hiäwen ech virsichtig deen Rest vam Eischnii drënner.

Zum Schluss d’Mousse an eng gruuss Schossel oder direkt an kleng Schësselcher fëllen an am Frigo op manns 3 Stonnen durichkéilen loossen.

Tipps

Kontrolléier d’Hëtzt beim schmëlzen vam Schokola, en soll net verbrennen, am besten ëmmer om Waasserbad schmëlzen.
Gedold beim ënnerhiäwen, fir d’Loft an der Mouss ze behaalen brauchst du bëssen Gedold beim Ënnerhiäwen vam Eischnii an der Schlagsahn.
Frësch Zutaten: well hei rii Eier verschafft jiän ass et extrem wichtig dorop opzepassen datt se frësch sen.

Varianten

Fir mi eng séiss Variant kanns du deng Mousse mat wäissem Schokola maan, ech hualen fir déi Mousse äwer winiger Zocker.

Watt den Kakaoaandeel am Schokola mi hii ass watt deng Mouss mi intensiv jiët.

Bei den Italiener jiët d’Mouss dachs mat Mascarpone an Espresso gemaat, su krëss du zousätzlich Crèmigkeet an een liiten Kaffiaroma. D’Schwäizer notzen Kirsch oder eng anner Drëp fir d’Mousse ze aromatiséiren.