Cökertme Kebab

Eng kulinarisch Réis durich Zékt an Goût! Wann ech aan die türkisch Këchen denken, denken ech aan Ässen wie Döner, Lahmacun oder Köfte. Eng Spezialitéit bleift dobäi dachs am Schiätt, den Cökertme Kebab. Eent Ässen, datt seng Wuurzelen déif an der Ägäis-Regioun van der Türkei hat an een Steck Kulturgeschicht ass.

Van der Vergangenheet an d’Gegenwart.

Des Köstlichkeet kënnt ursprünglich aus der Regioun Bodrum, enger Platz, deen fir seng moolerisch Küsten an eng räich kulinarisch Traditioun bekannt ass. Den Naam „Cökertme Kebab“ leet sech vam Naam van engem Duaref aaf. Eng Ortschaft, déi an der osmanischer Zékt fir eng liäwig Landwirtschaft bekannt wor. D’Baueren an d’Hirten aus dëser Regioun han dëst Ässen entweckelt, fir noo engem langen Daag eent siiert an herzhaft Ässen op den Dëch ze zauberen.

Traditionelle besteht Cökertme Kebab aus dënn geschniddenem Rand- oder Lammfleesch, datt marinéiert an dann gegrillt oder gebrooden jiët. Zervéiert jiët d’Fleesch op knusperig dënnen Fritten (pommes paille) an Joghurt, garnéiert mat enger würziger Tomatenzooss an heinsdo mat geschmolzener Botter oder Paprikabotter.

Iwert Joeren entweckelen sech Rezepter viraan, während fréiher einfasch Gewürzer an frësch Zutaten aus der Regioun verschafft sen jiän, jiët hogt an villen Këchen experimentéiert mat neien Aromen an modernen Zoubereedungsmethouden. Äwer den Kär vam Ässen, d’Harmonie zwëschen knusperigen Gromperen, saaftigem Fleesch an erfrëschendem Joghurt, bleift onverännert.

Modern Anflëss an Noohaltigkeet

Hokt spillt Noohaltigkeet an den Këchen eng gruuss Roll, an traditionell Ässen profitéiren van dësem Trend, Fréiher wor alles mi Noohaltig wie hokt! Regional an saisonal Zutaten sen net nëmmen besser fir d’Ëmwelt, mais o besser fir den Goût. Hiiwiärtigt Fleesch van artgerecht gehaalenen Déiren, Gromperen oder Bio-Gromperen, direkt vam Bauer, Joghurt aus regionalen Molkereien oder sugar selwer gemaaten, maan den Ënnerscheed.

Fir all déi ouni Fleesch kooschen wëllen, béiden sech Reechertofu, Auberginenscheiwen oder Kooschelen aan, sie han eng ähnlich Konsistenz an herzhaften Goût.

Zoubereedung

D’Fleesch, Rands- oder Lammfilet schnégden ech an ganz dënn Sräifen, datt leen ech an Schossel an marinéiren et mat bëssen Joghurt, Tomatenpürée, Zitrounensaaft, Salz an Päffer, een deen wëll kann o na Paprikapolwer an bëssen Cumin mat drënner mëschen. D’Fleesch zougedeckt op mannst 30 Min. marinéieren am besten na mi lang.

D’Gromperen schiälen ech an schnégden se op der Mandoline an ganz dënn Sträifen (pommes paille). Déi wäschen ech grëndlich aaf an leen se an d’Waasser bis ech se brausch.

Fir Tomatenzoss, hacken ech Ënnen an Knuawelek. An engem waarmen Dëppen erhëtzen ech op mëttel Hëtzt bëssen Olivenualig an brooden do dran d’Ënnen bis se mëll sen an goud rauschen. Dann mëschen ech de Knuawelek drënner an subal deen aafänkt mat Rauschen schëdden ech den Pelati drop. Zooss loossen ech opkooschen, an würzen mat Salz an Päffer, an evtl, na Chiliflocken. Su loossen ech Zooss op niddriger Hëtzt kooschen an reduzéiren bis ech se brausch.

TIPP aus menger Këchen: Du kanns natiirlich o Zocker an deng Tomatenzooss maan, ech maan datt nët. Et ännert nämlich näist am Saiergehalt van den Tomaten, den Zocker ännert just den Goût an liist eis gléiwen datt d’Saier van der Tomat mi ronn an ausgeglaschen schmëscht. Wëlls du keen Zocker hualen wie ech et maan, suarig dofir datt deng Ënnen rischtig aangebrooden sen an su deen natiirlich enthalenen Zocker fräi setzen. Loss deng Zooss mi lang kooschen, deen natiirlich séissen Goût van den Tomaten hat su Zekt sech ze entweckelen. Deemno watt fir eng Tomate oder Tomate pelée datts du hëlls han déi wirklicn vill Saier, do gräifen ech dann ischter zu enger kleng gewürfelter Muurt déi ech mat den Ënnen brooden bis se mëll ass, wie zum Zocker.

Fir den Joghurt, mëschen ech gehackten Knuawelek mat Naturjoghurt an bëssen Salz, deen setzen ech dann an den Frigo bis ech en brausch.

Meng Fritös erhëtzen ech op 170°C bis 175°C. D’Gromperen viraam frittéiren goud aafdrëpsen loossen an, an engem properen Dousch drëchnen. D’Gromperen portiounsweis frittéiren bis se knusperig sen. Op Këchenpapeier aafdrëpsen loossen an salzen.

Zur gläicher Zekt erhëtzen ech an enger waarmer Pann bëssen Olivenualig an brooden do drann d’Fleesch an Etappen kräftig aan. Subal alles aangebrooden ass, leen ech et zereck an Pann fir datt et waarem bleift.

Zervéiert jiët datt Ganzt an déiwen Telleren, do leen ech firtischt d’Gromperen dran, do drop verdeelen ech bëssen Tomatenzooss an bëssen Joghurt, do drop leen ech d’Fleesch an om Fleesch verdeelen ech dann na deen rest Tomatenzooss. Garnéiren kanns du dengt Ässen mat gehacktem Péitersilich oder Mënz.

Optional: kanns du bëssen Botter schmëlzen an subal deen aanfänkt mat spruddelen van der Plaque zéien an bëssen Paprikapolwer ënnerréiren. Datt kanns du als Topping na op dengem Menü verdeelen.

Fazit

Cökertme Kebab ass een Highlight aus der türkischer Këchen. Knusprig Gromperen déi voll gelaaden sen mat enger würziger Tomatenzooss, crèmigem Joghurt an herzhaftem Fleesch. Et ass einfasch ze kooschen an hat potenzial eent neit Lieblingsässen ze jiän.

Gouden Appetit!