Minestrone as eng klassisch italienisch Geméisszopp, et kann een o bal vegetarischen Eintopf dozou soen. Eng Zopp die een zu all Saison ässen kann.

Zesaamenspill van Krégder, Tomaten, paar Nudelen, vill frëscht Geméiss an Parmesan as einfasch nëmmen köstlich.

Minestrone leet sech vam Wuort “minestra” aaf, watt Zopp heescht. Et fënnt een des Zopp an villen Regiounen an Italien an et as eent van deen älsten Rezepter déi et do jëtt.

Well die italienisch Këchen Regional as, jiänn et natiirlech Ënnerscheeder an der Zoubereedung. Et fënnt een se püréiert oder mat Stecker dran. Dann Ënnerscheed sech na, op Nuddelen an Zopp gemëscht jiänn, Gromperen, oder Baguette. Et kann een sech bei der Minestrone su richtig austoben, su jiänn et Regiounen die Lënsen oder Kicheriärbessen dran maan, oder Courgetten an Auberginen. Am besten hällt een sech ëmmer aan saisonal Produkter.

Watt lo genau Grondbestanddeeler van der Minestrone sen as ënnerscheedlich, bei deene meesten Rezepter as ëmmer een Soffritto an wäiss Bungen, Gromperen oder Nuddelen.

Traditionell jëtt Minetstrone an Italien als Entrée gäss. Mat deem watt alles dran as kann een se äwer o als Hauptplat ässen.

Minestrone

Rezept von JosianeSchwierigkeit: mëttel

Portiounen

4

Portionen

Virbereeungszéckt

30

Minuten

Kooschzéckt

1

Stunde 

Watt brausch ech?

• 50 g wäiss Bungen

• Olivenualeg

• 100 g kleng gewürfelt Ënnen

• 3 Ziiwen fein zriwene Knuawléck

• 100 g kleng gewürfelt Muurten

• 100 g kleng gewürfelten Stangenzellerie

• 2 EL Tomatenpürée

• 3-4 L Geméissbréit

• 100 g kleng geschnidden Poretten

• 30 g Nudelen fir Zopp

• 100 g kleng gewürfelt Gromperen

• 100 g kleng gewürfelt Tomaten

• Salz & Peffer

• je 0,5 TL Majoran, Oregano, Basilikum

• frësch geraspelten Parmesan

Wie jëtt gekooscht

• Bungen iwert Nait an Salzwaasser wässeren. Dann mëll kooschen an aafschëdden.
• Olivenualeg an engem waarmen Dëppen erhëtzen.
• Ënnen op mëttler Hëtzt aanbrooden. De Knuawléck, Muurten an den Zellerie ënnermëschen, an su lang op niddrerger Hëtzt dënsten bis Geméiss mëll as.
• Tomatenpürée ënnermëschen, kuurz mat aandënsten. Bréit drop schëdden an opkooschen loossen.
• Tomaten, Gromperen, Nudelen, Poretten an Bungen ënnert Zopp mëschen an na 20-30 Min. op niddreger Hëtzt kooschen loossen.
• Parmesan dobäi reechen.

Akooschen Baaschen Basilikum Botter Brugd Bungenkrogt Bärlauch Curry Dip Essig Fett Fleesch Gefligel Gehacktes Geméiss Gewürz Gewürzmëschung Grillen Gromperen Kalef Knuawléck Kooschen Krégder Muurten Nuddelen Olivenualeg Paprika Pasta Peffer Pesto Poulet Randfleesch Reis Rosmarin Réckbléck Salz Sauerdeeg Speck Tomaten Wuuscht Zitroun Zocker Zooss Zoossenfond Zopp