Rëppercher „Country Style“-Art

„Country Style“ jëtt mat der amerikanischer Këchen verbonnen, Amerikaner han vill wonnerbar Rezepter an bei hirem Barbecue mëcht hinne keen su siier eppes fir.

Country Style Rëppercher, sen Rëppen déi mat engem „Dry Rub“ gewürzt an op niddreg Temperatur gekooscht jiänn. Dës Zort Rëppercher sen net wie die normal „Spareribs“ et as datt Steck aus der Schëller, aan deem vill mi Fleesch draan as an watt eng sching marmoréirung opweisst. Fir déi die „Pulled Porc“ kennen datt Steck Fleesch kënnt am normalen o aus der Schëller. Dodurich datt dëst Fleesch su durichwaas as bleift et bei deem langen Garprozess saaftig an drëchent nët aus.

Watt as een „Dry Rub“?

Een Dry Rub as eng drëchen Marinade déi ant Fleesch anmasséiert jëtt. Meestens besteht su eng drëchen Marinade aus:

• schwarzem Peffer
• Paprikapolwer oder gereechert Paprikapolwer
• Chillipolwer
• Knuawléckspolwer
• Ënnenpolwer
• Salz
• Zocker
• an verschidden gedrëchent Krégder

Ech sen äwer net su deen gruussen Fan van dësen Marinaden. Sie sen scharef an séiss, an soss han se net wirklich vill ze béiden.

Dest Rezept han ech aus deem Grond „Country Style“Art genannt, well ech die lang Garzéckt notzen, äwer meng eegen Marinade.

Déi besteht aus:

• Salbei
• schwarzen Peffer
• Salz
• Olivenualeg
• frëschen Knuawléck

zousätzlich han ech na frësch Ënnen an frësch Tomaten dobäi gemaat.

Oh wann et heescht, datt den Zocker heleft datt Gewürzer besser ant Fleesch andrengen, hat een ëmmer een séissen Geschmaasch am Mond an deen muss ech net han, ausser ech ässen séiss-sauer.

Zoubereedung

Den gehackten Salbei, den gehackten Knuawléck, Peffer an Salz han ech mat Olivenualeg gemëscht an datt ant Fleesch anmasséiert. Iwert Näit han ech Fleesch am Frigo durich zéien geloss.

Den Daag drop han ech Fleesch fréi genou aus dem Frigo gehollt, fir datt et Raumtemperatur aanhëllt.

Fleesch han ech an eng feierfest Form geleit. Tomaten han ech an véirel geschnidden an Ënnen graff gehackt. Datt han ech ronderëm Fleesch geleit. Ech haat o na paar Kiischtentomaten déi han ech am Ganzen dobäi geleit.

Form han ech mat Sëlwerpapeier zougedeckt an am waarmen Schiäffchen bei 130°C ongeféier 3 Stonnen kooschen geloss.

No deen 3 Stonnen han ech den Sëlwerpapeir raaf gehollt, den Schiäffchen op 170° rop gedrigt an dann Fleesch na eng kéier fir ongeféier 45 Min. brooden geloss, no der halschent van der Zéckt han ech Fleesch eng kéier gedrigt, fir datt et op deen 2 Ségten bëssen Faaref aanhëllt.

Alternativ, kanns du Fleesch o an der Pann brooden.

Rëppercher „Country Style“-Art

Rezept von JosianeSchwierigkeit: einfasch

Portiounen

4

Virbereedungszéckt

30

Minuten

Kooschzéckt

4

Stunden 

Marinéierzéckt

12

Stonnen

Zutaten

• 1,2 kg Rëppercher mat vill Fleesch

• 2 gehackten Salbeiäst

• 1 TL schwarze Peffer

• 1,5 TL Salz

• 80 ml Olivenualeg

• 3 gehackten Ziiwen Knuawléck

• 6 an véirel geschnidden Tomaten

• 2 graff gehackten Ënnen

Zoubereedung

• Salbei, Knuawléck, Peffer, Salz an Olivenualeg mateneen vermëschen. Iwert Fleesch schëdden an goud anmasséiren. Am Frigo iwert Näit durich zéien loossen.
• De Schiäffchen op 130° vriwiärmen.
• Fleesch fréi genou aus dem Frigo hualen, fir datt et Raumtemperatur aanhëllt. An eng feierfest Form leen.
• Tomaten an d’Ënnen ronderëm leen.
• Form mat Sëlwerpapeier zoudecken an am waarmen Schiäffchen 3 Stonnen schmoren loossen.
• De Sëlwerpapeier raaf hualen, de Schiäffchen op 170° rop driien, an Fleesch na ongeféier 45 Min. brooden loossen. No der halschent van der Zéckt Fleesch driien, fir datt et van 2 Ségten Faarwef krëtt.
• Alternativ kanns du Fleesch o an der Pann brooden, fir datt et Faaref krëtt.