Zalootenzoossen

… op Basis vam Essig an Ualeg

Vergees Tuutenzaloot, fad Zalootenzoossen an ëmmer die selwicht Zutaten. Mir kennen den Zaloot als Garnitur beim Hauptplat. Zaloot kann äwer een verännerbaren Plat sen. 

Den Tuutenzaloot as dachs mat Keimen belast an vill mi Deier wie een einfaschen Kapp Zaloot. Vill Zutaten fir eng goud Zaloot halen sech sugar mi lang, wie z.B. Kichererbsen, gedrëchent Tomaten, Cornichons…

Zaloote wie Rucola, oder Mausierchen am besten ganz frësch koofen an verschaffen. 

Wann den Zaloot van enger Garnitur zu engem Plat jëtt, sollen o Zutaten han die satt maan, wie z.B. Gefligel oder Speck. Planzlich kann een do ob Bungen, Lënsen, Nëss, Kicheriärbessen… zeréckgräifen.

Zalootenzooss

Färdeg Dressing vs. Selwergemaaten? Natiirlech deen selwer gemaaten, ween wees wat alles an den Färdigprodukter dran as. Fir Zooss hëlls du am besten eent Glas mat Deckel. Do mëschst du 3 Deeler Ualeg an 1 Deel Saier dran. Dann vläicht bëssen Mostert, Peffer an Salz, verschidden Krégder wie z.B. Dill, Bratzelen, Péitersillich, Basilkum… Den Deckel op Glas an goud rëselen. 

Watt maan ech an meng Zalootenzooss?

  • Essig, fir meng Zoss hualen ech 1 Deel Essig, watt fir een datts du hëlls as bal egal, kuck ëmmer watt an dengem Zaloot dran as, z.B. wanns du fein geschniddene Kappes mat ënnermëchs schmëcht Äppelessig goud dobäi.
  • Zitrounensaaft, wann ech eng Vinäigrette mat Zitrounensaaft maan hualen ech halef Essig an halef Zitrounensaaft, eent Ei an Knuawléck an du has eng goud Zooss fir op Chicorée, Fenchel an Avocado…
  • Ualeg, ech hualen 3 Deeler Ualeg, an o hei as Wiäll gruuss, fir eng einfasch Zalootenzooss hualen ech meestens Maisualeg oder Sonnenbloumenualeg. Eng Vinäigrette mat Fines Herbes (Péitersilich, Bratzelen, Estragon, Kiärwel) z. B. schmëscht goud mat Erdnossualeg. Mat Olivenualeg an Rugdewéngessig jëtt et z.B. eng goud Vinäigrette fir op Fenschel, Iceberg oder Andéiven.
  • Mostert, bëssen Mostert mat dran, ech maan zwar lo bëssen Reklam mais ech hualen deen lëtzebuerger Mostert oder Dijon. Ech han o well mat anner Mostertzorten probéiert, mais z.B. deen däitschen mengs de ëmmer et hätt een en Grapp Zocker iwert dem Zaloot verdeelt.
  • Schalotten oder Frühlingszibbelen, ech maan meestens Schalotten an meng Vinägrette, sie han an der Zaloot een besseren Goût wie d’Ënnen.
  • Peffer & Salz
  • Knuawléck, 1 Ziif Knauwléck an den Zaloot schmëscht vill besser, ech pressen se o net ech hacken se ganz fein.
  • Rahm & Dill, maan ech just dran wann ech een Zaloot mat Cornichon maan.
  • Eier, eent hartgekooschten an kleng getripsten Ei passt goud bei Spargel an Artichaud.

Zalootenzooss selwer maan.

Firtischt schnegden ech mol alles kleng, Schalotten, Knuawléck, Krégder.

Ech mëschen dann den Essig mam Mostert an de Gewürzer, ënner stännigem réiren schëdden ech dann den Ualeg drop, su wie wanns du eng Mayonnaise réiers.

Dann jiänn Schalotten, de Knuawléck an Krégder an evtl. Rahm mat ënnergemëscht.

Hei as dann Basisrezept van der Zalootenzooss:

Zalootenzoossen

Rezept von JosianeSchwierigkeit: einfasch
Gesamtzeit

15

Minuten

Watt brausch ech?

  • 100 ml Essig

  • 300 ml Ualeg

  • 3 gehackten Schalotten

  • 1 TL Mostert

  • Peffer & Salz

Wie jëtt gekooscht

  • Die klassisch Vinägrette, Essig, Mostert an Gewürzer goud mateneen vermëschen, den Ualeg no an no, an ënner stännigem Réieren ënnermëschen
  • Schalotten ënnermëschen, schmaaschen evtl. noowürzen.

Notiz

  • Du kanns o alles an eent Glas fëllen, fest zouschrauwen an Zooss rëselen bis se färdeg as.
holzteller, holzbesteck, gurkensalat
Cornichonszaloot

Hinterlasse einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert

*